Ezintasunen bat duten milioika lagunen onerako, zientzia eta teknologia ahaleginak bateratzen ari dira egunez egun, haien bizitzara gero eta ongizate handiagoa eramateko eta turismoaren munduak ere zeresan handia du errealitate horretan. Ildo horretatik, ADAPTA TALDEAk erantzun integrala diseinatu eta garatu du.

Matia Taldea erreferentzia da Gipuzkoan adineko pertsonei eta ezintasunak dituzen pertsonei laguntzen. Haren baitan sorturik, ADAPTA TALDEAk behar besteko esperientzia profesionala eta etorkizun-sena ditu, mundua beren beharretara egokitzea behar duten pertsonei irtenbideak eskaintzeko.

ADAPTA TRAVEL
Adapta Travelek aukeraz betetako mundua eskaintzen die bidaiatzeko modu berri bat behar dutenei. Orain, nolabaiteko ezintasuna duten pertsonek eskaintza turistiko integrala dute eskura, kalitate handikoa eta guztiz espezializatua. Eskaintza horri esker, Gipuzkoa eta Euskal Herria munduko puntako helburu turistikoen parean jarriko dira. Irudimena eta profesionaltasuna bidaide direnean, edonora heldu daitezke. Horren erakusgarri dira ADAPTA TRAVELek eskainitako zerbitzuak: ostatuak, aisialdiko eta kulturako programak, jatetxeak, laguntzeko zerbitzu guztiak. Zerbitzu horiek, gainera, Matia taldearekin
elkarlanean eskaintzen dira, erakunde aitzindari horrek 120 urte baino gehiago eman baititu nolabaiteko ezintasuna duten pertsonentzat lanean.

ADAPTA TALDEA
Usandizaga,6
20002 Donostia
943 22 41 45
www.grupoadapta.com